கார்ல்டன் இல்லத்திற்கு செல்கிறார் மஹிந்த

முன்னாள் ஜனாதிபதி மஹிந்த ராஜபக்ஷ விஜேராமாவில் உள்ள தனது உத்தியோகபூர்வ இல்லத்திலிருந்து வெளியேறி தங்காலையில் உள்ள கார்ல்டன் இல்லத்திற்கு குடிபெயர உள்ளதாக கார்ல்டன் இல்லத்தின் செய்தித் தொடர்பாளர் ஒருவர் தெரிவித்தார்.

முன்னாள் ஜனாதிபதி பதவிகளை ஒழிக்கும் சட்டமூலம் பாராளுமன்றத்தில் மூன்றில் இரண்டு பங்கு பெரும்பான்மையால் புதன்கிழமை (10) நிறைவேற்றப்பட்டது.

அதன்படி, சட்டமூலம் நிறைவேற்றப்பட்டவுடன் முன்னாள் ஜனாதிபதி மஹிந்த ராஜபக்ஷ, விஜேராமாவில் உள்ள தனது உத்தியோகபூர்வ இல்லத்தை விட்டு வெளியேற உள்ளார்.