கிழக்கில் இராணுவத்தளம்: அமெரிக்கா கோரவில்லை

கிழக்கு மாகாணத்தில் இராணுவ முகாமொன்றை அமைப்பது குறித்து ஐக்கிய அமெரிக்க அரசாங்கம், எந்தவித வேண்டுகோளையும் விடுக்கவில்லை என்று, அமைச்சர் லக்ஷ்மன் கிரியெல்ல தெரிவித்துள்ளார்.

அமெரிக்காவின் இராணுவ தளமொன்று, திருகோணமலையில் அமைக்கப்படவுள்ளதாக, சமீபத்தில் செய்திகள் வெளியாகியிருந்தன. இது தொடர்பாக அமெரிக்க தூதரகமும் இலங்கை அரசாங்கமும் பேச்சுவார்த்தை நடத்தியுள்ளதாகவும் அத்தகவல்கள் தெரிவித்திருந்தன.

இது குறித்து முழுமையான தெளிவுபடுத்தல் அவசியம் என்று, நாடாளுமன்ற உறுப்பினர் டக்ளஸ் தேவானந்தா, நேற்று, நாடாளுமன்றத்தில் வினவியிருந்தார்.

இதற்கு பதிலளித்த அமைச்சர லக்ஷ்மன் கிரியெல்ல, இது தொடர்பில் எந்தவித பேச்சுவார்த்தைகளும் இடம்பெறவில்லை என்று கூறியிருந்தார்.