கொள்ளை சம்பவத்துடன் தொடர்புடைய நால்வர் கைது

அநுராதபுரம் – மிஹிந்தலை பிரதேசத்திலுள்ள வர்த்தக நிலையமொன்றில் இடம்பெற்ற கொள்ளைச் சம்பவம் தொடர்பில் நான்கு சந்தேகநபர்கள் கைது செய்யப்பட்டுள்ளதாகப் பொலிஸார் தெரிவித்தனர்.

கடந்த 15 ஆம் திகதி அதிகாலை 1.30 மணியளவில், குறித்த வர்த்தக நிலையத்திலிருந்து, சுமார் 11 இலட்சம் ரூபாய் பணத்தை கொள்ளையிட்டுள்ளதாகத் தெரிவிக்கப்பட்டிருந்தது.

இந்நிலையில் இக்கொள்ளைச் சம்பவம் தொடர்பில் பிரதான சந்தேகநபராக, குறித்த வர்த்தக நிலையத்தில் வேலைப் பார்க்கும் நபரொருவரும் ஏ​னைய மூவரும் கைது செய்யப்பட்டுள்ளதாகத் தெரிவிக்கப்பட்டுள்ளதுடன், இவர்களிடமிருந்து குறித்த பணத்திலிருந்து தற்பொழுது 80 ஆயிரம் ரூபாய் மீட்கப்பட்டுள்ளதோடு, மிகுதி பணத்தை போதைப் பொருள் பாவனைக்காக செலவளித்துள்ளதாகவும் பொலிஸாரின் ஆரம்பக்கட்ட விசார​ணைகளிலிருந்து தெரிய வந்துள்ளது.