கொழும்பில் தூசு துகள்களின் தரச்சுட்டி மீண்டும் அதிகரிப்பு

கொழும்பு நகரை அண்மித்த வளிமண்டலத்தில் தூசு துகள்களின் தரச்சுட்டி மீண்டும் அதிகரித்துள்ளதாக தேசிய கட்டட ஆய்வு நிறுவகம் தெரிவித்துள்ளது.

கொழும்பு நகரை அண்மித்த வளிமண்டலத்தில் இன்று (31) காலை 100 முதல் 150  புள்ளியாக தூசு துகள்களின் தரச்சுட்டி காணப்பட்டதாக தேசிய கட்டட ஆய்வு நிறுவகத்தின் சிரேஷ்ட புவிச்சரிதவியல் நிபுணர் சரத் பிரேமசிறி கூறியுள்ளார்.

இதன் காரணமாக சுவாச நோயாளர்கள் மிகுந்த அவதானத்துடன் செயற்பட வேண்டும் எனவும், வயதானவர்கள், சிறு பிள்ளைகள் மற்றும் கர்ப்பிணி தாய்மார்கள் ஆகியோர் மிகுந்த அவதானத்துடன் இருக்க வேண்டும் என அவர் அறிவுறுத்தியுள்ளார்.

அத்துடன், புதுவருட பிறப்பை முன்னிட்டு பட்டாசுகளின் பயன்பாடு அதிகரிக்கும் போது, அது  வளிமண்டலத்தை பாதிக்கக்கூடும் என்றும் அவர் சுட்டிக்காட்டியுள்ளார்.