கொழும்பு - கண்டி வீதி; தீர்மானம் நாளை

மண்சரிவு அபாயம் காரணமாக மூடப்பட்டுள்ள கொழும்பு - கண்டி பிரதான வீதி தொடர்பில் நாளை (15) முக்கிய கலந்துரையாடல் ஒன்று இடம்பெறவுள்ளதாகவும் நாளை நண்பகல் 12.00 மணி வரை வீதிகள் திறக்கப்பட மாட்டாது என்றும் கேகாலை மாவட்ட செயலாளர் மஹிந்த எஸ். வீரசூரிய, இன்று (14) பிற்பகல் தெரிவித்தார்.

முக்கிய கலந்துரையாடல் நாளை காலை 10.00 மணிக்கு ஆரம்பமாகவுள்ள நிலையில் நண்பகல் 12.00 மணிக்கு முன்னர் வீதிகளை திறக்க முடியாது என அவர் தெரிவித்தார்.

தேசிய கட்டிட ஆராய்ச்சி நிறுவகம், வீதி அபிவிருத்தி அதிகாரசபை, கேகாலை மாவட்ட செயலகம் உள்ளிட்ட பல நிறுவனங்களின் அதிகாரிகள் இந்த கலந்துரையாடலில் பங்கேற்க உள்ளதாகவும் அவர் மேலும் தெரிவித்தார்.