சு.க பிளவுபடாத வகையில் ஒழுக்காற்று நடவடிக்கை

கிருளப்பனையில் இடம்பெற்ற மே தினக் கூட்டத்தில் கலந்துக்கொண்ட ஸ்ரீ லங்கா சுதந்திரக் கட்சி உறுப்பினர்கள் பற்றி, இந்த மாதம் கூடவுள்ள மத்திய செயற்குழுக் கூட்டத்தின் போது விவாதிக்கப்படும் என்று ஐக்கிய மக்கள் சுதந்திர கட்சியின் பொதுச் செயலாளர் மஹிந்த அமரவீர தெரிவித்தார்.

மத்திய செயற்குழு முடிவுகள், கட்சி பிளவுபடாமல் இருக்கும் வகையில் எட்டப்படும் என்றும் தெரிவித்த அமைச்சர், மேலும் பல கட்சியினரை இணைத்துக்கொண்டு வலுவான கட்சியாக முன்னோக்கிப் பயணிக்கவேண்டிய கடப்பாட்டில் ஸ்ரீ லங்கா சுதந்திரக் கட்சி உள்ளதென்றும் கூறினார்.

தவுல்தென ஞானிஸ்ஸர ஸ்ரீ லங்கா அமரபுர மகா சங்கத் தேரரை, இன்று வியாழக்கிழமை சந்தித்த அமைச்சர், அங்கு கூடியிருந்த ஊடகவியலாளர்கள் எழுப்பிய கேள்விக்கு பதிலளிக்கும் போதே மேற்கண்டவாறு கூறினார்.