சா/த பரீட்சை ஆரம்பமானது: ஜனாதிபதி வாழ்த்து

கல்விப்பொதுத் தராதர சாதாரணத் தரப்பரீட்சை நாடளாவிய ரீதியில் அமைக்கப்பட்டுள்ள 4,670 மத்தியநிலையங்களில் இன்றுக்காலை 8 மணிக்கு ஆரம்பமானது. இந்த பரீட்சை எதிர்வரும் 17ஆம் திகதி வரையிலும் நடைபெறும்.

இந்த முறை பரீட்சையில் 6,67,715 பரீட்சார்த்திகள் தோற்றவுள்ளனர். அவர்களில் 4,03,444 பேர் பாடசாலை பரீட்சார்த்திகள் என்றும் 2,61,271 பேர் தனிப்பட்ட பரீட்சார்த்திகள் என்றும் பரீட்சைகள் திணைக்களம் அறிவித்துள்ளது.

சா/த பரீட்சைக்கு தோற்றுகின்ற சகல மாணவர்களுக்கும் தனது வாழ்த்துக்களை தெரிவித்துள்ள ஜனாதிபதி மைத்திரிபால சிறிசேன, இது தனிப்பட்ட ஒருவரினதும் நாட்டினதும் வெற்றியாகும் என்றும் தெரிவித்துள்ளார்.