சிறைக்கூண்டிலிருந்து கைதிகள் தப்பியோட்டம்

ரம்புக்கன்ன  பொலிஸ் நிலைய சிறைக்கூண்டிலிருந்து, போதைப் பொருள் வைத்திருந்த குற்றச்சாட்டின் பேரில் கைது செய்யப்பட்டிருந்த ஐந்து சந்தேகநபர்கள் நேற்று (18) தப்பி​யோடியுள்ளனர்.

சிறைக்கூண்டிலிருந்து மற்றுமொரு சந்தேகநபரை வெளியில் கொண்டுவருவதற்காக சிறைக்கூண்டை திறக்கும் பொழுது, உள்ளே இருந்த ஐந்து சந்தேகநபர்களும், பொலிஸ் அதிகாரியை தள்ளிவிட்டு தப்பியோடியுள்ளதாகத் தெரிவிக்கப்பட்டுள்ளது.

குறித்த சந்தேகநபர்கள் ரம்புக்கன – குடாகம பிர​தேசத்தைச் சேர்ந்தவர்களென்று தெரிவித்த பொலிஸார், அவர்களை கைது செய்வதற்காக ரம்புக்கன பொலிஸ் நிலையம் உட்பட வேறு சில பொலிஸ் நிலையங்களிலிருந்தும் நடவடிக்கை மேற்கொள்ளப்பட்டுள்ளதாகத் தெரிவித்துள்ளனர்.