சுனாமி ரயிலின் பயணம் ஆரம்பம்

சுனாமி அனர்த்தத்தில் உயிரிழந்த மக்களை நினைவுகூறும் வகையில் ஒழுங்கு செய்யப்பட்டிருந்த, தேசிய பாதுகாப்புதின நிகழ்வு, ஹிக்கடுவ - தெல்வத்த பேரெலிய சுனாமி நினைவுத் தூபி வளாகத்தில், இன்று (26) நடைபெற்றது.    

சுனாமி ஆழிப்பேரலை ஏற்பட்ட தினத்தன்று காலை 6.55 மணியளவில், கொழும்பு - கோட்டை ரயில் நிலையத்திலிருந்து மாத்தறை நோக்கிப் பயணித்த ரயில், தெல்வத்த - பேரெலிய பிரதேசத்தில், சுனாமி அலையில் சிக்கியதில், அதில் பயணித்த 1,500 பேர் உயிரிழந்தனர்.   

சுனாமியால் சேதமடைந்த குறித்த ரயிலின் என்ஜின், ரயில்வே திணைக்களத்தால் புனரமைக்கப்பட்டதன் பின்னர், குறித்த என்ஜின் பொருத்தப்பட்ட விசேட ரயில், கோட்டை ரயில் நிலையத்திலிருந்து தெல்வத்த- சுனாமி நினைவுத் தூபி வரை, தனது முதல் பயணத்தை, நேற்று காலை 6.30க்கு முன்னெடுத்திருந்தது.    

இதனுடன் இணைந்த வகையில், சுனாமியால் உயிர்நீத்த உறவுகளுக்கு அஞ்சலி செலுத்தும் நிகழ்வும் இடம்பெற்றது.