‘ஜனாதிபதி அரசமைப்புக்கு அமைய செயற்பட்டிருந்தால் பிரச்சினைகளை தீர்த்திருக்க முடியும்’

அரசமைப்புக்கு அமைய ஜனாதிபதி செயற்பட்டிருந்தால் இன்று நாட்டில் ஏற்பட்டுள்ள பிரச்சினையை தீர்த்திருக்க முடியுமென்று மக்கள் விடுதலை முன்னணியின் நாடாளுமன்ற உறுப்பினர் நளிந்த ஜயதிஸ்ஸ தெரிவித்தார்.

இன்று நாடாளுமன்றத்தில் ஒத்திவைப்பு பிரேரணையொன்றை சமர்ப்பித்து உரையாற்றும் போதே அவர் இவ்வாறு தெரிவித்தார்.

அரசமைப்பை ஒரு பக்கமாகப் போட்டு விட்டு செயற்படும் ஜனாதிபதியால் இன்று உலக நாடுகளுக்கிடையில் இருந்த வரவேற்பு இல்லாமல் செய்யப்பட்டுள்ளது என்றார்.

ஸ்ரீ லங்கன் விமான நிறுவனத்தின் வருமானம் முற்றாக வீழ்ச்சியடைந்துள்ளது. இந்நாட்டின் பொருளாதாரம் மற்றும் இராஜதந்திர செயற்பாடுகளுக்கு சேதம் ஏற்படும் வகையில் ஜனாதிபதியால் செயற்பட முடியாது என்றார்.