தொழிற்சாலையில் தீ

ஹொரணை, வகவத்த பிரதேசத்தில் உள்ள தனியார் நிறுவனமொன்றில் இன்று வியாழக்கிழமை ஏற்பட்ட திடீர் தீவிபத்தில் ஒருவர் காயமடைந்துள்ளார் என்று பொலிஸார் தெரிவித்தனர். 

இந்தத் தீ விபத்தின் போது, குறித்த இடத்தில் இருந்த பாதுகாப்பு உத்தியோகத்தர் நால்வர் அங்கிருந்து வெளியேறிய போதும், அதில் ஒருவர் காயமடைந்த நிலையில் ஹொரணை வைத்தியசாலையில் அனுமதிக்கப்பட்டுள்ளார்.

தீ விபத்து ஏற்பட்டமைக்கான காரணம் மற்றும் சேதவிவரங்கள் தெரியவரவில்லை. எனினும், பாரிய சொத்துச் சேதம் ஏற்பட்டிருக்கலாம் என தெரிவிக்கப்படுகின்றது. 

ஹொரணை நகரசபை, கொழும்பு மாநகரசபை தீயணைப்பு பிரிவினர், விசேட அதிரடிப்படையினர் மற்றும் பொலிஸார் இணைந்து தீயைக் கட்டுப்பாட்டுக்குள் கொண்டு வந்துள்ளனர்.