தபால்மூல வாக்களிப்பு; ’28 பி.ப 4 மணிக்குள் விண்ணப்பங்களை ஒப்படைக்கவும்’

தபால்மூல வாக்களிப்புக்கான விண்ணப்பங்களை, இம்மாதம் 28ஆம் திகதி மாலை 4 மணிக்குள், மாவட்டத் தெரிவத்தாட்சி அலுவலகங்களில் ஒப்படைக்குமாறு, தேர்தல்கள் ஆணைக்குழுவின் தவிசாளர் மஹிந்த தேசப்பிரிய அறிவித்துள்ளார்.

இது தொடர்பில் நேற்று (23) மாலை விசேட அறிவிப்பொன்றை விடுத்துள்ள அவர், உறுதிப்படுத்தல் அதிகாரிகளுக்குக் கிடைத்துள்ள அனைத்துத் தபால்மூல வாக்களிப்புக்கான விண்ணப்பங்களையும், இம்மாதம் 28ஆம் திகதி மாலை 4 மணிக்கு முன்னர், மாவட்டத் தெரிவத்தாட்சி அலுவலகத்தில் ஒப்படைக்குமாறும் அதேபோன்று, தபால் மா அதிபருக்குக் கிடைக்கும் விண்ணப்பங்கள், இம்மாதம் 27அம் திகதிக்குள், மாவட்டத் தெரிவத்தாட்சி அலுவலகத்தில் ஒப்படைக்குமாறும் வலியுறுத்தியுள்ளார்.