‘தம்மை மதுஷுடன் தொடர்புபடுத்தி வெளிவரும் கருத்துகளை நிராகரிக்கின்றேன்’

தனது மகனின் திருமண நிகழ்வில் டுபாயில் கைதுசெய்யப்பட்டுள்ள இலங்கையின் பாதாளக் குழுவொன்றின் தலைவரான மாக்கந்துர மதுஷ்  கலந்துக்கொண்டிருந்ததாக, பிரதி அமைச்சர் நளின் பண்டார தெரிவித்துள்ள கருத்துக்களை நிராகரிப்பதாக, லக்ஷ்மன் யாப்பா அபேவர்தன தெரிவித்துள்ளார்.

இன்று கொழும்பில் இடம்பெற்ற ஊடகச் சந்திப்பி​லேயே  அவர் இவ்வாறு தெரிவித்துள்ளார்.

அத்துடன் தனது மகனிடம் இராஜதந்திர கடவுச்சீட்டு உள்ளதாக கடந்த வாரங்களில் தெரிவிக்கப்பட்ட கருத்துக்களையும் தான் நிராகரிப்பதாக நாடாளுமன்ற உறுப்பினர் லக்ஷ்மன் யாப்பா அபேவர்தன தெரிவித்துள்ளதுடன், மதுஷின் வசிப்பிடம் மாக்கந்துர இல்லையென்றும் கம்புறுப்பிட்டிய என்ற கிராமமே மதுஷின் வசிப்பிடம் என்றும் அவர் தெரிவித்துள்ளார்.