துப்பாக்கிகள் காணாமல் போன சம்பவம்; விசாரணைகளை முன்னெடுக்கவுள்ள CID

பாணந்துறை வடக்கு பொலிஸ் நிலையத்திலிருந்த துப்பாக்கிகள்  2 காணாமல் போன விடயம் தொடர்பில், விசாரணைகளை முன்னெடுக்க குற்றப்புலனாய்வு பிரிவிடம் ஒப்படைக்கப்பட்டுள்ளதாக, பொலிஸ் ஊடகப் பேச்சாளர் ருவன் குணசேகர தெரிவித்துள்ளார்.

இந்த மாதம் 6ஆம் திகதி டி.56 ரக துப்பாக்கிகள் இரண்டு காணாமல் ​போன நிலையில், மேல்மாகாண சிரேஸ்ட பிரதி பொலிஸ்மா அதிபரின் கீழ் ஆரம்பக்கட்ட விசாரணைகள் முன்னெடுக்கப்பட்டதற்கமைய, 15ஆம் திகதி இந்த பொலிஸ் நிலைய பொறுப்பதிகாரி, பணி நீக்கம் செய்யப்பட்டார்.

இந்த நிலையிலேயே, இது தொடர்பான விசாரணைகளை முன்னெடுக்குமாறு குற்றப்புலனாய்வு  பிரிவினருக்கு பதில் பொலிஸ்மா அதிபர் பணித்துள்ளதாகத் தெரிவிக்கப்பட்டுள்ளது.