தெரிவுக் குழுவுக்கு ஜனாதிபதியை அழைக்க உறுப்பினர்கள் இணக்கம்

நாடாளுமன்ற விசேட தெரிவுக்குழுவில் முன்னிலையாவதற்கு, ஜனாதிபதி மைத்திரிபால சிறிசேனவை அழைப்பது குறித்த கலந்துரையாடலில், குழுவின் உறுப்பினர்கள்  இணக்கப்பாட்டுக்கு வந்துள்ள​னரென, தெரிவுக்குழுவின் தலைவரும், பிரதி சபாநாகருமான ஆனந்த குமாரசிறி தெரிவித்துள்ளார்.

தெரிவுக்குழுவின் நடவடிக்கைகள் இந்த மாதம் 23ஆம் திகதியுடன் நிறைவடையவுள்ள நிலையில், இதன் இறுதி அறிக்கையைத் தயாரிப்பதற்காக தெரிவுக் குழுவின் கால எல்லை மேலும் ஒரு மாதத்துக்கு நீடிப்பதற்கு, சபாநாயகரின் அனுமதியைப் பெறுவதற்கான நடவடிக்கைகள் முன்னெடுக்கப்பட்டு வருவதாகவும் அவர் தெரிவித்துள்ளார்.