தேசிய ஒத்துழைப்பு அரசாங்கத்துக்கு கொள்கையளவில் இணக்கம்

ஸ்ரீ லங்கா பொதுஜன பெரமுனவின் அரசாங்கத்தில் இருந்து விலகி சுயாதீனமாக செயற்படுகின்ற சுயாதீன குழுவொன்றைச் சேர்ந்த  பாராளுமன்ற உறுப்பினர்களான விமல் வீரவன்ச, உதய கம்மன்பில உள்ளிட்ட சிலர் முக்கிய கலந்துரையாடலில் நேற்று (02) ஈடுபட்டிருந்தனர். 

ஜனாதிபதி கோட்டாபய ராஜபக்‌ஷ மற்றும் பசில் ராஜபக்‌ஷ
ஆகியோருடனேயே உத்தேச தேசிய ஒத்துழைப்பு அரசாங்கம் தொடர்பில் கலந்துரையாடலில் ஈடுபட்டுள்ளனர்.
இந்தக் கலந்துரையாடல் ஜனாதிபதி மாளிகையில் நேற்று (02) நடைபெற்றுள்ளது.

இந்த கலந்துரையாடலின் போது, “தேசிய ஒத்துழைப்பு அரசாங்கம் தொடர்பில் கொள்கை அளவில் இணக்கம் காணப்பட்டுள்ளது” என  ஶ்ரீ லங்கா பொதுஜன பெரமுனவின் செயலாளர் சட்டத்தரணி சாகர காரியவசம் எம்.பி தெரிவித்தார்.