தேர்தல் ஆணைக்குழு 17ஆம் திகதி கூடும்

தேசிய தேர்தல் ஆணைக்குழுவானது இந்த மாதம் 17ஆம் திகதி முதற்றடவையாக கூடவுள்ளது.
ஆணைக்குழுவின் தலைவர், சட்டத்தரணி நிமல் புஞ்சிஹேவா தலைமையில் ஆணைக்குழு கூடவுள்ளது.

இதன்போது தற்போதைய தேர்தல் முறை மற்றும் தேர்தல் சட்டதிட்ட திருத்தம் குறித்து விசேட கவனம் செலுத்தப்படவுள்ளதென, தேர்தல் ஆணைக்குழுவின் தலைவர் நிமல் புஞ்சிஹேவா தெரிவித்துள்ளார்.

இந்த மாதம் 10ஆம் திகதி ஆணைக்குழுவின் உறுப்பினர்களாக நியமிக்கப்பட்ட எம்.எம்.மொஹமட், எஸ்.பி.திவாரத்ன, கே.பி.பி. பதிரன மற்றும் ஜீவன் தியாகராஜா ஆகியோர் தமது கடமைகளை உத்தியோகப்பூர்வமாக ஆரம்பித்திருந்தனர்.