நாடளாவிய ரீதியில் 1,048 பேர் கைது

பொலிஸார் நாடளாவிய ரீதியில் முன்னெடுத்த சுற்றிவளைப்புகளில் 1,048 பேர் கைது செய்யப்பட்டுள்ளனர்.

பிடியாணை பிறப்பிக்கப்பட்ட 594 பேர் கைது செய்யப்பட்டுள்ளதுடன், ரிப்பீட்டர் ரக துப்பாக்கிகளுடன் சந்தேகநபர்கள் 6 பேர் கைது செய்யப்பட்டுள்ளனர்.

அத்துடன், ஹெரோயினுடன் சந்தேகநபர்கள் 301 பேரும் கஞ்சாவுடன் 256 பேரும் கைது செய்யப்பட்டுள்ளனர்.

மேலும், ஐஸ் ​போதைப்பொருளுடன் சந்தேகநபர்கள் 26 பேரும் சட்டவிரோத மதுபான போத்தல்களுடன் 467 பேரும் கைது செய்யப்பட்டுள்ளனர்.

நேற்று முன்தினம் இரவு 12 மணி முதல் நேற்றிரவு 12 மணி வரை அனைத்து பொலிஸ் நிலையங்களையும் மையமாகக் கொண்டு இந்த சுற்றிவளைப்புகள் முன்னெடுக்கப்பட்டுள்ளமை குறிப்பிடத்தக்கது.