நீர் வெறுப்பு நோய் அதிகரிப்பு

இலங்கை முழுவதும் நீர் வெறுப்பு நோயால் பாதிக்கப்படுபவர்களின் எண்ணிக்கை அதிகரித்துள்ளதாகத் தெரிவிக்கப்படுகின்றது.

சுகாதார அமைச்சின் கீழ் நடைமுறைப்படுத்தப்பட்டு வந்த  நீர் வெறுப்பு நோய் ஒழிப்பு வேலைத்திட்டமானது, கடந்த 2 வருடங்காளாக விலங்கு உற்பத்தி மற்றும் சுகாதார திணைக்களத்தின் கீழ் கொண்டுவரப்பட்டுள்ள நிலையில், ​நாய்களுக்கான ஊசி மருந்துகள் முறையாக வழங்கப்படாமையால், நாடு பூராகவும் நீர் ​வெறுப்பு நோய் மீண்டும் தலைத்தூக்கும் அபாயம் காணப்படுவதாக பொது சுகாதார பரிசோதகர்கள் சங்கம் தெரிவித்துள்ளது.

புள்ளிவிபரங்களுக்கமைய, இந்த வருடத்தின் ஆரம்பம் தொடக்கம் தற்போது வரை 13 பேர் நீர் வெறுப்பு நோயால் உயிரிழந்துள்ளதுடன், கடந்தாண்டு 20 பேர் உயிரிழந்ள்ளதாகத் தெரிவிக்கப்படுகின்றது.