நோர்வூட் த.ம.வியில் 5 ஆம் வகுப்புக்கு பூட்டு

மாணவன் ஒருவருக்கு கொரோனா வைரஸ் தொற்று உறுதியான நிலையில், நோர்வூட் தமிழ் மகா வித்தியாலத்தின் 5ஆம் வகுப்பு தற்காலிகமாக மூடப்பட்டது.

அந்த மாணவனுக்கு கொரோனா வைரஸ் தொற்றியிருப்பது நேற்று (14) உறுதிப்படுத்தப்பட்டது. ஆகையால், அப்பாடசாலையின் 5ஆம் வகுப்புக்கான கல்வி நடவடிக்கைகள் யாவும் எதிர்வரும் 22ஆம் திகதி வரையிலும் ஆரம்பிக்கப்படாது.

நோர்வூட் வாசிகசாலையின் பெண் நூலகருக்கு கொரோனா வைரஸ் தொற்றியிருப்பது உறுதியானது. அந்த நூலகரின் மகன், மேற்படி பாடசாலையில் கல்விப்பயின்று வருகின்றார்.

அவருடைய மகன், வலப்பனை தனிமைப்படுத்தல் நிலையத்தின் தனிமைப்படுத்தப்பட்டுள்ளார் என்பது குறிப்பிடத்தக்கது.