பொலிஸ் ஜீப் மீது தாக்குதல்: மாமா, மருமகள் கைது

பொலிஸ் ஜீப் வண்டியின் மீது தாக்குதல் நடத்தியதாக கூறப்படும் மாமாவையும் மருமகளையும் சந்தேகத்தின் பேரில் பொலிஸார் கைது செய்துள்ளனர்.

எப்பாவல பொலிஸ் பிரிவுக்குட்பட்ட பகுதியில் வைத்தே பொலிஸ் ஜீப் வண்டியின் மீது வெள்ளிக்கிழமை இரவு இத் தாக்குதல் மேற்கொள்ளப்பட்டுள்ளது.

சட்டவிரோதமான முறையில் மதுபானம் தயாரிப்பதாக கூறப்படும் சம்பவம் தொடர்பில் சுற்றிவளைப்பை மேற்கொள்வதற்கு சென்றிருந்த போதே இந்த தாக்குதல் மேற்கொள்ளப்பட்டுள்ளது.

மூன்று வீடுகளைச் சேர்ந்தவர்களே இந்த தாக்குதல் மேற்கொண்டுள்ளனர். இதiனால் பொலிஸ் ஜீப் வண்டிக்கு சேதம் ஏற்பட்டுள்ளதுடன் பொலிஸார் சிலரும் காயமடைந்துள்ளனர் என்று பொலிஸ் ஊடகப்பேச்சாளர் திணைக்களம் அறிவித்துள்ளது.