புதிய கட்டுப்பாட்டுக்கு தொழில்முறை இணைய ஊடக அமைப்பு எதிர்ப்பு

அமைச்சரவைக்குப் பிந்தைய ஊடக சந்திப்புகளில் கலந்து கொள்வதற்கு அரசாங்கத்தால் வழங்கப்பட்ட ஊடக அங்கீகாரத்தை இப்போது கட்டாயமாக்கும், அரசாங்க தகவல் திணைக்களத்தின் புதிய கட்டுப்பாட்டுக்கு தொழில்முறை இணைய ஊடக அமைப்பு கடுமையான ஆட்சேபனைகளை எழுப்பியுள்ளது.

இந்த நடவடிக்கை ஊடக சுதந்திரத்தின் மீதான கடுமையான கட்டுப்பாடு என்றும், பொதுமக்களின் தகவல்களை அணுகும் உரிமையை மீறுவதாகவும் அமைப்பு ஒரு அறிக்கையில் தெரிவித்துள்ளது. 

இத்தகைய நடவடிக்கைகள் ஜனநாயக விழுமியங்களை குறைமதிப்பிற்கு உட்படுத்துவதாகவும், சுதந்திரமான இதழியல் நடவடிக்கைகளுக்கு அச்சுறுத்தலை ஏற்படுத்துவதாகவும் அது எச்சரித்தது.

இந்த முடிவை உடனடியாக திரும்பப் பெறவும், அனைத்து பத்திரிகையாளர்களும் ஊடக நிறுவனங்களும் அமைச்சரவைக்குப் பிந்தைய ஊடக சந்திப்புகளில் தடையின்றி கலந்து கொள்ள முடியும் என்பதை உறுதி செய்யவும் அமைப்பு அரசாங்கத்தைக் கேட்டுக் கொண்டது. 

ஊடக நெறிமுறையை நிலைநிறுத்துவதற்கும், துல்லியமான மற்றும் சுயாதீனமான செய்திகளை வெளியிடுவதற்கான பொதுமக்களின் உரிமையைப் பாதுகாப்பதற்கும் அதன் உறுதிப்பாட்டை அது மீண்டும் உறுதிப்படுத்தியது.