‘பலத்த மழை பெய்வதற்கான சாத்தியம்’

நாடு முழுவதும் இன்றைய தினம் பலத்த மழை பெய்வதற்கான சாத்தியம் காணப்படுவதாக வளிமண்டலவியல் திணைக்களம் எதிர்வுக்கூறியுள்ளது.

இதன்படி சப்ரகமுவ, மத்திய, மேல் மற்றும் கிழக்கு ஆகிய மாகாணங்களிலும் காலி, மாத்தறை ஆகிய மாவட்டங்களிலும் 100 மி.மீ க்கு அதிகமானளவில் மழை வீழ்ச்சி பதிவாகுமெனத் தெரிவிக்கப்பட்டுள்ளது.

அத்துடன் மேல் மற்றும் தென்  கடற்கரை பகுதிகளில் காற்றின் வேகம் 40 தொடக்கம் 50 கி.மீ வரை வீசக்கூடுமெனவும் திணைக்களத்தால் தெரிவிக்கப்பட்டுள்ளது.