பழைய தொழிலில் ஈடுபட்ட 7 பேர் சிக்கினர்

சீதுவை பொலிஸ் பிரிவிற்குட்பட்ட நீர்கொழும்பு வீதி பகுதியில் மசாஜ் நிலையம் என்ற போர்வையில் இயங்கி வந்த விபச்சார விடுதியொன்றை சீதுவை பொலிஸார் முற்றுகையிட்டுள்ளனர்.

திங்கட்கிழமை (09) மாலை முன்னெடுக்கப்பட்ட இந்தச் சோதனையின் போது 7 சந்தேகநபர்கள் கைது செய்யப்பட்டுள்ளனர்.

கைது செய்யப்பட்டவர்களில் விடுதியை நிர்வகித்த குற்றச்சாட்டில் 23 வயதுடைய இளைஞன் ஒருவரும், அங்கு தங்கியிருந்த 25 முதல் 40 வயதுக்கு இடைப்பட்ட 6 பெண்களும் அடங்குவதாகப் பொலிஸார் தெரிவித்துள்ளனர்.

கைது செய்யப்பட்ட பெண்கள் கடுவலை, கம்பஹா, நீர்கொழும்பு, பதலங்கல மற்றும் மாத்தளை ஆகிய பகுதிகளைச் சேர்ந்தவர்கள் என அடையாளம் காணப்பட்டுள்ளனர்.

இச்சம்பவம் தொடர்பான மேலதிக விசாரணைகளைச் சீதுவை பொலிஸார் முன்னெடுத்து வருகின்றனர்.