பஸ் விபத்தில் இருவர் பலி: 42 பேர் காயம்

எம்.எம்.அஹமட் அனாம்

கொழும்பு- மட்டக்களப்பு பிரதான வீதியின் மின்னேரியா நகருக்கு அருகில் நேற்று இரவு 11.30 மணியளவில் இடம்பெற்ற விபத்தில் இருவர் உயிரிழந்து 42 பேர் காயமடைந்துள்ளனர்.

இலங்கை போக்குவரத்து சபைக்குச் சொந்தமான பஸ்ஸொன்றும் தனியார் பஸ்ஸொன்றும் நேருக்கு நேர் மோதியதாலேயே இந்த விபத்து இடம்பெற்றுள்ளது.

கல்முனை போக்குவரத்து சபைக்கு சொந்தமான சாரதியான ஓட்டமாவடி மீராவோடையைச் சேர்ந்த எச்.எல்.சலீம் (வயது 53) என்பவரே சம்பவ இடத்திலேயே உயிரிழந்துள்ளதுடன், காரைதீவைச் சேர்ந்த பெண்ணொருவர் வைத்தியசாலையில் வைத்து உயிரிழந்துள்ளார்.