பாதுகாப்பு படைகளின் பிரதானி இன்று ஓய்வு

பாதுகாப்பு படைகளின் பிரதானி அட்மிரல் ரவிந்திர விஜயகுணரத்ன தனது 39 வருடகால சேவையினை நிறைவுசெய்து இன்று (31) ஓய்வு பெறவுள்ளதாக தெரிவிக்கப்படுகின்றது.

முப்படைகளில் நீண்ட கால சேவை மற்றும் சிரேஷ்ட அதிகாரியாக உள்ள அட்மிரல் ரவிந்திர விஜயகுணரத்ன, 1980 ஆம் நவம்பர் 01 ஆம் திகதி கடற்படையில் இணைந்து கொண்டார்.

2015 ஜுலை மாதம் 11ஆம் திகதி முதல் 2017 ஓகஸ்ட் மாதம் 22ஆம் திகதிவரை கடற்படை தளபதியாக கடமையாற்றியிருந்தார்.

2017 ஓகஸ்ட் மாதம் 22ஆம் திகதி முதல் தற்போது வரை பாதுகாப்பு படைகளின் பிரதானியாக செயற்பட்டு வருகின்றார்.