பீடைகளைக் கட்டுப்படுத்த ட்ரோன் தொழில்நுட்பம்

பயிர்ச்செய்கைகளைப் பாதிக்கும் பீடைகளைக் கட்டுப்படுத்துவதற்கு ட்ரோன் தொழில்நுட்பம் பயன்படுத்தப்படவுள்ளது.

இதற்கான பரீட்சார்த்த நடவடிக்கை, கலென்பிந்துனுவெவ சோளப் பயிர்ச்செய்கைக் காணியில் நேற்று (03) இடம்பெற்றது.

இத்திட்டம் வெற்றிபெறும் பட்சத்தில், பெருமளவில் சோளப் பயிர்ச்செய்கை மேற்கொள்ளப்பட்டுள்ள சேனைகளுக்கும் இ​தனை விஸ்தரிப்பதற்கு, விவசாய அமைச்சு தீர்மானித்துள்ளது.

விவசாய அமைச்சர் பி.ஹரிசன் வழங்கிய ஆலோசனைக்கு அமைய, ட்ரோன் விமானங்களைப் பயன்படுத்தி பீடைகளைக் கட்டுப்படுத்தும் முயற்சியை, இலங்கையில் முதன்முறை விவசாயத் திணைக்களம் ஆரம்பித்துள்ளமை குறிப்பிடத்தக்கது.