பெண்கள் வார்டுக்கு சென்ற போலி வைத்தியர்

நிட்டம்புவ - வத்துபிட்டிவல வைத்தியசாலையின் பெண்கள் வார்டுக்கு போலியான வைத்தியர் ஒருவர் வந்துள்ளமை தொடர்பில் முன்வைக்கப்பட்ட முறைப்பாட்டுக்கு அமைய குறித்த நபர் கைதுசெய்யப்பட்டுள்ளார்.

சந்தேக நபரிடம் இருந்து ஸ்டெதஸ்கோப், மருந்து ஏற்றும் ஊசி,  சேலைன்ட், ஈ.சி.ஜி ரோல் 05, மடிக்கணினி, அலைபேசி மற்றும் மோட்டார் சைக்கிள் என்பன பொலிஸாரால் கைப்பற்றப்பட்டுள்ளன.

29 வயதுடைய சந்தேக நபர் தர்ஹா மாவத்தை, திஹாரி பிரதேசத்தை சேர்ந்தவர் என தெரிவிக்கப்படுகின்றது.

சந்தேக நபர் அத்தனகல்ல நீதவான் நீதிமன்றில் நேற்று(26) ஆஜர்ப்படுத்தப்பட்ட நிலையில் ஓகஸ்ட் 04ஆம் திகதிவரை விளக்கமறியலில் வைக்கப்பட்டுள்ளார்.