மத்தல மான்களுக்கு வலைவீச்சு

மத்தல ராஜபக்ஷ சர்வதேச விமான நிலைய வளாகத்திலுள்ள மான் கூட்டத்தை அங்கிருந்து அகற்றி, காட்டில் விடுவதற்கான திட்டமொன்றை வகுக்குமாறு பேராசிரியர் சரத் கொட்டகமவிடம் வனவிலங்குகள் மற்றும் நிலையான அபிவிருத்தி அமைச்சர் காமினி ஜயவிக்கிரம பெரேரா கோரிக்கை விடுத்துள்ளார்.

விமான நிலையத்தின் ஓடுபாதை மற்றும் பாதுகாப்பு வேலி ஆகியவற்றுக்கு இடைப்பட்ட பகுதியிலேயே இந்த மான் கூட்டம் காணப்படுகின்றது. அதனால், இப்பகுதியை உள்ளடக்கும் வகையில் இந்த திட்டம் வகுக்கப்பட வேண்டும் எனவும் அமைச்சர் கூறியுள்ளார்.

கடந்த வாரம், மத்தல விமான நிலையத்தைப் பார்வையிடச் சென்ற பிரதமர் ரணில் விக்கிரமசிங்க, மேற்படி மான் கூட்டத்தை அங்கிருந்து அகற்றி காட்டில் விடுமாறு வழங்கிய ஆலோசனைக்கமையவே, அமைச்சரினால் அதற்கான நடவடிக்கைகள் முன்னெடுக்கப்பட்டுள்ளன.