‘மதுஷுடன் 7 மாதங்கள் ஒன்றாக இருந்தேன்’

பாதாளக்குழுவின் தலைவர் மாக்கந்துர மதுஷுடன் தான் 7 மாதங்கள் ஒன்றாக சிறையில் இருக்க நேர்ந்ததாகத் தெரிவித்துள்ள நாமல் குமாரஅரசியல் தேவைகளுக்காக குற்ற விசாரணைப் பிரிவினரால் கைதுசெய்யப்பட்ட தான் எந்த​வொரு குற்றச்சாட்டுகளும் இன்றி, 14 மாதங்கள் சிறைத்தண்டனை அனுபவித்ததாகவும்  தெரிவித்துள்ளார்.

ஜனாதிபதி கோட்டாபய ராஜபக்‌ஷ, முன்னாள் ஜனாதிபதி மைத்திரிபால சிறிசேன ஆகிய இருவரையும் கொலை செய்வதற்கான சூழ்ச்சிகள் இடம்பெறுவதாக, தான் குற்ற விசாரணைப் பிரிவில் முறைப்பாடு செய்த பின்ன​ரே, தான் இவ்வாறான பிரச்சினைகளை எதிர்நோக்கியுள்ளதாகவும் தெரிவித்துள்ளார்.

​மேலும் ஷானி அபேசேகரவுடன் ஒன்றாக சிறையில் இருக்கும் குற்ற விசாரணைப் பிரிவின் முனசிங்கவின் அலைபேசியை எடுத்து பார்த்தால், அவருக்கு அரசியல்வாதிகளுடன் எவ்வாறு தொடர்பு இருக்கும் என்பதை அறிந்துகொள்ளலாம் என்றும், இதுதொடர்பில் சிறையில் இருந்த 7 மாதங்கள் நன்றாக தெரிந்துகொண்டதாகவும் நாமல் குமார தெரிவித்துள்ளார்.