மஹிந்த குழுவினர் சீனா பயணம்

முன்னாள் ஜனாதிபதிபதியும் குருநாகல் மாவட்ட நாடாளுமன்ற உறுப்பினருமான மஹிந்த ராஜபக்ஷ உள்ளிட்ட இணைந்த எதிரணியின் உறுப்பினர்கள் சிலர், நாளை புதன்கிழமை (23), சீனாவுக்கு ஒரு வார உத்தியோகப்பூர்வ விஜயமொன்றை மேற்கொள்ளவுள்ளனர்.

வெளிவிவகார முன்னாள் அமைச்சர் ஜி.எல்.பீரிஸ், எம்.பி லொஹான் ரத்துவத்த மற்றும் எம்.பி உதித்த லொகுபண்டார ஆகியோர், இந்த விஜயத்தில் இணைந்துக்கொள்ளவுள்ளனர்.

சீன அரசாங்கத்தால் விடுக்கப்பட்டுள்ள அழைப்பிதலின் பேரிலேயே, முன்னாள் ஜனாதிபதி உள்ளிட்ட குழுவினர் சீனாவுக்குச் செல்லவுள்ளனர் என்பது குறிப்பிடத்தக்கதாகும்.