மின் பொறி வைத்து யானையை கொலை செய்த நபர் கைது

மின் பொறி வைத்து யா​னையொன்றை​ ​கொலை செய்த​ நபரொருவரை பொலிஸார் இன்று (02) பிற்பகல் கைது செய்துள்ளனர்.

ஹபரன – புவக்பிட்டிய பிரதேசத்தில் வைத்து, மின் பொறியினால் தாக்கப்பட்டு உயிரிழந்த குறித்த யானையினது உடலம் கண்டுபிடிக்கப்பட்டதையடுத்து பொலிஸாரினால் விசாரணைகள் மேற்கொள்ளப்பட்டது.

குறித்த சம்பவம் தொடர்பில் புவக்பிட்டிய பிரதேசத்தைச் சேர்ந்த 42 வயதுடைய சந்தேகநபரொருவர் கைது செய்யப்பட்டுள்ளார்.

சம்பவத்தில் உயிரிழந்த குறித்த யானையானது, 7 அடி உயரமும், 15 வயதானதெனப் பொலிஸார் தெரிவித்ததோடு, குறித்த யா​னையினது உடலத்துக்கான பிரேத பரிசோதனை இன்று இடம்பெறுவதாகவும் தெரிவித்தனர்.

மேலும் குறித்த சந்தேகநபரின் வீட்டை சோ​தனையிட்ட வேளையில், குறித்த நபர் சட்டவிரோதமாக மின்சாரத்தை உப​யோகித்து பயன்படுத்தி வந்துள்ளமையும் தெரியவந்துள்ளது. குறித்த சந்தேகநபரை கைது செய்த பொலிஸார், இன்று (02)  கெக்கிராவ நீதவான் நீதிமன்றில் ஆஜர்படுத்தியதாகத் தெரிவித்தனர்.