மீண்டும் தேசிய அரசாங்கம்?; பேச்சு ஆரம்பம்

மீண்டும் தேசிய அரசாங்கத்தை உருவாக்குவது தொடர்பில், ஐக்கிய தேசியக் கட்சியின் அவதானம் செலுத்தப்பட்டுள்ளதாக, அரசியல் வட்டாரத் தகவல்கள் தெரிவிக்கின்றன.

எதிர்க்கட்சியின் நாடாளுமன்ற உறுப்பினர்கள் நால்வருடன், இது தொடர்பான பேச்சுவார்த்தைகள் ஆரம்பிக்கப்பட்டுள்ளதாகத் தெரியவருகிறது.

இந்நிலையில், குறித்த எம்.பிக்களுடன், பல சுற்றுப் பேச்சுவார்த்தைகள் இடம்பெற்றுள்ளதாகவும் அவ்வாறு தேசிய அரசாங்கம் அமைக்கப்படுமாயின், அவர்கள், ஐக்கிய தேசியக் கட்சிக்கு ஆதரவு வழங்கத் தயாராக உள்ளனரென்றும் தெரியவருகிறது.