மேல் மாகாணத்தில் கொவிட் தொற்று உயர்வு

நாட்டில் கொவிட் 19 தொற்றுக்குள்ளான 669 பேர் நேற்று அடையாளம் காணப்பட்டுள்ள நிலையில் இவர்களில் 130 பேர் கொழும்பு மாவட்டத்தில் அடையாளம் காணப்பட்டுள்ளனர்.

அத்துடன், கம்பஹாவில் 104 பேரும், குருநாகலில் 60 பேரும், காலியில் 50 பேரும், கண்டியில் 48 பேரும் அடையாளம் காணப்பட்டுள்ளனர்.

மேலும், ஏனைய மாவட்டங்களில் 40 க்கு குறைவான தொற்றாளர்கள் அடையாளம் காணப்பட்டுள்ளனர்.

மேல் மாகாணத்துக்கு வெளியில் 415 தொற்றாளர்கள் அடையாளம் காணப்பட்டுள்ளனர் என, கொவிட் 19 ஒழிப்புக்கான தேசிய செயலணி தெரிவித்துள்ளது.