‘மேல் மாகாணத்தில் சட்டவிரோத கட்டடங்கள் அகற்றப்படும்’

கொழும்பு மாவட்டம் உள்ளிட்ட மேல் மாகாணத்திலுள்ள 3 மாவட்டங்களில் காணப்படும் சட்டவிரோத கட்டடங்களை அகற்றுவதற்கு எதிர்வரும் நாள்களில் நடவடிக்கை எடுக்கப்படுமென, மேல் மாகாண ஆளுநர் அஸாத் சாலி தெரிவித்துள்ளார்.

மேல் மாகாணத்தில் தரங்களின்றி அமைக்கப்படும் கட்டங்கள் தொடர்பாகவும் கடும் சட்டநடவடிக்கை எடுக்கவுள்ளதாகவும் கொழும்பு உள்ளிட்ட மேல்மாகாணத்தின் பல இடங்கள் மழைக் காலங்களில் நீரில் மூழ்குவதற்கு இச்சட்டவிரோத கட்டடங்களே காரணமென்றும் அவர் தெரிவித்துள்ளார்.

அத்துடன்  சுவரொட்டிகள் ஒட்டுவதற்கென்று ஒதுக்கப்பட்டுள்ள  இடங்களில் அறிவிப்பு மற்றும் சுவரொட்டிகளை ஒட்டாமல் பொது இடங்களில் சுவரொட்டிகளை ஒட்டும் நபர்களுக்கெதிராகவும் சட்டநடவடிக்கை எடுக்கவுள்ளதாகவும் அவர் தெரிவித்துள்ளார்.

உள்ளூராட்சி மன்றங்களின் பிரதிநிதிகளை அழைத்து இந்த விடயம் குறித்து அறிவுரைகள் தன்னால் வழங்கப்பட்டுள்ளதென்றும், இது தொடர்பான சுற்றுநிரூபம் ஒன்றை வெளியிடவுள்ளதாகவும் அவர் தெரிவித்துள்ளார்.