யானை தாக்கி தாய் காயம்

பதுர்தீன் சியானா

திருகோணமலை- பம்புறுகஸ்வெவ பகுதியில் காட்டு யானையின் தாக்குதலுக்குள்ளான நிலையில் மூன்று பிள்ளைகளின் தாய் இன்றிரவு 07 மணியளவில் கோமரங்கடவெல பிரதேச வைத்தியசாலையில் அனுமதிக்கப்பட்டுள்ளதாக வைத்தியசாலை பேச்சாளரொருவர் தெரிவித்தார்.

இவ்வாறு யானையின் தாக்குதலுக்குள்ளானவர் மூன்று பிள்ளளைகளின் தாயாரான திருகோணமலை-பம்புறுகஸ்வெவ பகுதியைச்சேர்ந்த ஏஸ்.நதீகா (35வயது) எனவும் தெரியவருகின்றது.

குறித்த பெண் வீட்டுக்கு பின் புறமாகவுள்ள கிணற்றில் தண்ணீர் எடுக்கச்சென்ற போது மறைந்திருந்த யானை தாக்கியதாகவும் அதனையடுத்து கிணற்றடியில் காட்டு யானை சத்தமிட்டதையடுத்து பார்த்த வேளை மனைவி விழுந்து கிடப்பதையும் அவதானித்ததாக கணவரான எம்.கருணாதிலக பொலிஸாரிடம் தெரிவித்தார்.

தாக்குதலில் காயமடைந்த பெண்னை மேலதிக சிகிச்சைக்காக திருகோணமலை பொது வைத்தியசாலைக்கு கொண்டு சென்றுள்ளதாகவும் கோமரங்கடவெல வைத்தியசாலை தரப்பினர்  தெரிவித்தனர்.