வடக்கு, கிழக்கில் 785 முகாம்கள் இருந்தன; 230 அகற்றப்பட்டன

அழகன் கனகராஜ்

இறுதிக்கட்டப் போர் நடைபெற்ற  அதாவது, 2009.05.19ஆம் திகதியளவில், வடக்கு கிழக்கு மாகாணங்களில் 785 முகாம்கள் பேணிவரப்பட்டன என்று பாதுகாப்பு அமைச்சு  அறிவித்தது. நாடாளுமன்றத்தில் நேற்று செவ்வாய்க்கிழமை இடம்பெற்ற வாய்மூல விடைக்கான வினாக்கள் நேரத்தின் போது, வடக்கு மற்றும் கிழக்கு மாகாணங்களில் பேணிவரப்பட்ட முகாம்கள் தொடர்பில் ஜயந்த சமரவீர எம்.பி.யினால், பாதுகாப்பு அமைச்சிடம் கேள்வி எழுப்பப்பட்டது.

இதற்கான பதிலை, பாதுகாப்பு இராஜாங்க அமைச்சர் ருவன் விஜேவர்தன, சபைக்கு ஆற்றுப்படுத்தினார்.

அவரது பதிலின் பிரகாரம், 2014.12.31ஆம் திகதியளவில், வடக்கு - கிழக்கு மாகாணங்களில் 529 இராணுவ முகாம்கள், 25 கடற்படை முகாம்கள், 07 விமானப்படை முகாம்கள் என 561 முப்படை முகாம்கள் இருந்தன. உயர் பாதுகாப்பு வலயங்களுடன் கூடியதாக முகாம்கள் பேணிவரப்பட்டவில்லை.

2015.10.30ஆம் திகதியளவில் 555 முப்படை முகாம்கள் பேணிவரப்பட்டன என்றும் அப்பதிலில் குறிப்பிடப்பட்டுள்ளது.