வடக்குக்கான ரயில் சேவை வழமைக்குத் திரும்பியது

யா​ழ்தேவி ரயில் தடம்புரண்டமையால் பாதிக்கப்பட்டிருந்த வடக்குக்கான ரயில் சேவைகள், இன்று (29) முதல் வழமைக்குத் திரும்பியுள்ளது.

இன்று காலை, கொழும்பு - கோட்டை முதல் காங்கேசன்துறை வரையான ரயில் சேவை இடம்பெற்றதென, ரயில்வே கட்டுப்பாட்டாளர் வஜிர பொல்வத்த தெரிவித்தார்.

கொழும்பிலிருந்து காங்கேசன்துறை நோக்கிப் பயணித்த யாழ்தேவி ரயில், நேற்று முன்தினம், அம்பனபொல - கல்கமுவ ரயில் நிலையங்களுக்கு இடையில் தடம் புறண்டது.

இதனால், கொழும்பிலிருந்து மஹாவ வரையிலும் யாழ்ப்பாணத்திலிருந்து அநுராதபுரம் வரையில், ரயில் சேவைகள் மட்டுப்படுத்தப்பட்டிருந்தமை குறிப்பிடத்தக்கது.