வெட்டுக் காயங்களுடன் மூதாட்டியின் சடலம் மீட்பு

வெட்டு காயங்களுடன் பெண் ஒருவர் சடலமாக மீட்கப்பட்ட சம்பவம் ஒன்று நேற்று முன்தினம் (22) முல்லைத்தீவில் இடம்பெற்றுள்ளது.

முல்லைத்தீவு  மாங்குளம் பொலிஸ் பிரிவிற்குட்பட்ட பாலைப்பாணி கிராமத்தில் தனிமையில் வசித்து வந்த வயோதிப பெண் ஒருவரே வெட்டு காயங்களுடன் அவரது வீட்டில் சடலமாக மீட்கப்பட்டுள்ளார்.

இந்தப் பெண்மணி  வீட்டில் சடலமாக கிடப்பதனை அவதானித்த கிராமத்தவர்களால் மாங்குளம் பொலிஸாருக்குத் தகவல் வழங்கப்பட்டதைத் தொடர்ந்து சம்பவ இடத்துக்கு சென்ற மாங்குளம் பொலிஸார் கிளிநொச்சி தடயவியல் பொலிஸாரின் உதவியுடன் விசாரணைகளை முன்னெடுத்து வருகின்றனர். (a)