விபத்துகளில் 12,000 பேர் இறக்கின்றனர்

திடீர்  விபத்துகளால் ஆண்டுதோறும் 10,000 முதல் 12,000 பேர் வரை நாட்டில் இறக்கின்றனர் என்று சுகாதார அமைச்சின் தொற்றா நோய்கள் பிரிவு  கூறுகிறது.

இலங்கையில் ஆண்டுதோறும் சுமார் 145,000 பேர் இறக்கின்றனர் . மொத்த இறப்புகளில் 8% விபத்துகளால் ஏற்படுவதாகவும் இந்த பிரிவு கூறுகிறது.

பல்வேறு விபத்துகளால் ஒவ்வொரு மாதமும் சுமார் 1,000 பேரையும், ஒவ்வொரு நாளும் சுமார் 30 பேரையும்  நாடு இழக்கிறது. சிகிச்சைக்காக மருத்துவமனைக்கு பரிந்துரைக்கப்படுவதற்கு முன்பே 7,500 முதல் 8,000 க்கும் மேற்பட்ட விபத்து மரணங்கள் நிகழ்கின்றன என்று சுகாதார அமைச்சு கூறுகிறது.

விபத்துகள் காரணமாக சிகிச்சைக்காக இலங்கையில் உள்ள மருத்துவமனைகளுக்கு பரிந்துரைக்கப்படும் 2,500 முதல் 3,000 நோயாளிகள் ஆண்டுதோறும் இறப்பதாக தொற்றா நோய்கள் பிரிவு கூறுகிறது.

தேசிய விபத்து தடுப்பு வாரம் திங்கட்கிழமை (7)  ஆரம்பமாகி 11 ஆம் திகதி வரை நடைபெறும், மேலும் இதற்காக சுகாதார மற்றும் ஊடக அமைச்சின் தொற்றா நோய்கள் பிரிவு ஒரு சிறப்பு திட்டத்தை தயாரித்துள்ளது.

அதன்படி, ஜூலை 07 ஆம் திகதி சாலை விபத்து தடுப்பு நாளாகவும், ஜூலை 08 ஆம் திகதி பணியிட விபத்து தடுப்பு நாளாகவும், ஜூலை 09 ஆம் திகதி வீடு மற்றும் முதியோர் இல்ல விபத்து தடுப்பு நாளாகவும், ஜூலை 10 ஆம் தேதி நீரில் மூழ்கி விபத்து தடுப்பு நாளாகவும், ஜூலை 11 ஆம் திகதி பாடசாலை, பாலர் பாடசாலை மற்றும் பகல்நேர பராமரிப்பு மைய விபத்து தடுப்பு நாளாகவும் அறிவிக்கப்பட்டுள்ளது.