விபத்தில் காயமடைந்த மற்றுமொரு இளைஞனும் உயிரிழப்பு

கடந்த வியாழக்கிழமை (25) அன்று புதுக்குடியிருப்பில் இருந்து கொழும்பு சென்ற டொல்பின் வேன் ஒன்று மீண்டும் புதுக்குடியிருப்பு நோக்கி திரும்பிக்கொண்டிருந்த நிலையில் அனுராதபுரம் - தலாவ,  மீரிகம பகுதியில் வைத்து முல்லைத்தீவில் இருந்து குருநாகல் நோக்கி சென்ற லொறி ஒன்றுடன் மோதி விபத்திற்குள்ளானது .

இதில் முல்லைத்தீவு புதுக்குடியிருப்பு, செம்மலை பகுதிகளை சேர்ந்த (புதுக்குடியிருப்பு தனியார் ஆடைக் தொழிற்சாலை) ஊழியர்கள் 4 பேர் உயிரிழந்திருந்தனர்.

அத்துடன் 9ம் வட்டாரம் மல்லிகைத்தீவு - புதுக்குடியிருப்பை சேர்ந்த நடராசா விஸ்னுயன் என்ற 21 வயதுடைய இளைஞன் அனுராதபுரம் வைத்தியசாலையில் சிகிச்சை பெற்று வந்த நிலையில் சிகிச்சை பலனின்றி ஞாயிற்றுக்கிழமை (29) அன்று உயிரிழந்துள்ளார்.

இவரோடு இந்த விபத்தில் முல்லைத்தீவு மாவட்டத்தினை சேர்ந்த 5 இளைஞர்கள் உயிரிழந்துள்ளமை குறிப்பிடத்தக்கது

சண்முகம் தவசீலன்