‘வரட்சியால் வனப்பகுதிகளில் தீப்பரவல்’

மத்திய மற்றும் மேற்கு பகுதிகளில் வரட்சி நிலவி வரும் நிலையில், அங்கு காணப்படும் வனப்பகுதிகளில் சிலர் தீ வைப்பு நடவடிக்கைகளில் ஈடுபட்டு வருவதாகவும் பாதுகாப்பு திணைக்களத்தால் தெரிவிக்கப்பட்டுள்ளது.

ரொசெல்ல மற்றும் ஹட்டன் ரயில் நிலையத்துக்கருகில் ஸ்டேடன் தோட்ட வனப்பகுதியில், நேற்றைய தினம் இனந்தெரியாத சிலரால் தீ வைப்பு சம்பவமொன்று இடம்பெற்றுள்ளது.

இதனால் குறித்த வனப்பகுதியில் 10 ஏக்கர் நிலப்பரப்பு தீக்கிரையாகி அழிவடைந்துள்ளதோடு, இன்று (07) அதிகாலையிலேயே தீ கட்டுபாட்டுக்குள் ​கொண்டுவரப்பட்டதாகத் தெரிவிக்கப்பட்டிருந்தது.

அத்தோடு சில நாள்களுக்கு முன்னர் காசல்ரீ நீர்த்தேக்கத்துக்கு அண்மித்த சிங்கமலை வனப்பகுதியிலும் தீப்பரவல் சம்பவமொன்று இடம்பெற்று 50 ஏக்கர் நிலப்பரப்பு அழிவடைந்தமை குறிப்பிடத்தக்கதாகும்.