விழுந்தோடி வந்தார் விமல் : பிடியாணை வாபஸ்

முன்னாள் அமைச்சர் விமல் வீரவன்சவை கைது செய்து ஆஜர்படுத்த கொழும்பு மேல் நீதிமன்றம் பிடியாணை பிறப்பித்திருந்தது. அதனை கேள்வியுற்ற விமல் வீரவன்ச நீதிமன்றத்தில் ஆஜராகினார். அதனையடுத்து பிடியாணை மீளப்பெறப்பட்டது.

ரூ. 75 மில்லியனுக்கும் அதிகமான சொத்துக்களை சட்டவிரோதமாகச் சேர்த்ததாக இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு

தாக்கல் செய்யப்பட்ட வழக்கில் பிரதிவாதியாகப் பெயரிடப்பட்ட வீரவன்ச, நீதிமன்றத்தில் ஆஜராகத் தவறியதை அடுத்து இந்த  பிடியாணை  பிறப்பிக்கப்பட்டது.

இந்த வழக்கு கொழும்பு மேல்  நீதிமன்ற நீதிபதி முகமது மிஹால் முன் விசாரணைக்கு புதன்கிழமை (14)  அன்று வந்தது, மேலும் பிரதிவாதியின் பிணையாளர்களை மறுநாள் நீதிமன்றத்தில் ஆஜராகுமாறு நோட்டீஸ் அனுப்ப நீதிபதி உத்தரவிட்டார்.