வெலிகடைச் சிறைப் படுகொலையின் 37ஆம் ஆண்டு நினைவு நிகழ்வு

(கே.எல்.ரி.யுதாஜித்) 

தமிழீழ விடுதலை இயக்கத்தின் ஸ்தாபகர் குட்டிமணி,  தங்கதுரை உள்ளிட்ட 53 பேர் படுகொலை செய்யப்பட்ட, வெலிகடைப் படுகொலையின் 37ஆவது நினைவு தினம் இன்றைய தினம் தமிழீழ விடுதலை இயக்கத்தின் மட்டக்களப்பு மாவட்டவேட்பாளர் கோவிந்தம் கருணாகரம் தலைமையில் நடைபெற்றது.

இதன்போது தமிழீழ விடுதலை இயக்கத்தின் ஸ்தாபக தலைவர் குட்டிமணி, தளபதி தங்கதுரை ஆகியோரின் படங்களுக்கு மலர்மாலை அணிவித்து சுடரேற்றி மலர்தூவி அஞ்சலி செலுத்தப்பட்டது.

1983ஆம் ஆண்டு ஜுலை 25 - 27ஆம் திகதி வரையிலானக் காலப்பகுதிகளில் நடைபெற்ற வெலிகடைச் சிறைச்சாலை கலவரத்தின் போது குட்டிமணி, தங்கதுரை உள்ளிட்ட போராளிகள், பொதுமக்கள் என 53 பேர் கொடூரமாகப் படுகொலை செய்யப்பட்டார்கள் என்பது குறிப்பிடத்தக்கது.