வெவ்வேறு இடங்களில் இடம்பெற்ற விபத்தில் நபர்கள் பலி

குருநாகல் – தம்புள்ளை வீதியில்  முத்ததெட்டுகல பி​ரதேசத்தில் இடம்பெற்ற வாகன விபத்தில் ஒருவர் உயிரிழந்துள்ளார்.

குருநாகல் இருந்து தம்புள்ளை நோக்கி பயணித்த மோட்டார் சைக்கிளொன்று சறுக்கி விழுந்ததில், குறித்த நபர் படுகாயங்களுக்குள்ளான நிலையில் உயிரிழந்துள்ளதாகத் தெரிவிக்கப்பட்டுள்ளது.

சம்பவத்தில் உயிரிழந்த நபர் நிதஸ்கம – வெல்லவ பிரதேசத்தைச் சேர்ந்தவரென்றும் தெரிவித்தப் பொலிஸார், குருநாகல் – நீர்கொழும்பு வீதியில் கொட்டகஸ் சந்தியில் அலியாவெல வாய்காலுக்கு அருகில்  ஓட்டோ ஒன்று வீதியை விட்டு விலகி விபத்துக்குள்ளானதில் நபரொருவர் உயிரிழந்துள்ளதாகவும் தெரிவித்தனர்.

குறித்த சம்பவத்தில் உயிரிழந்த நபர் மடவல பிரதேசத்தைச் சேர்ந்த, 43 வயதுடைய நபரென்று தெரிவித்தார்.