வெவ்வேறு இடங்களில் இடம்பெற்ற விபத்துகளில் மூவர் பலி

புத்தள – கதிர்காமம் பிரதான வீதியில் கரவிலகொட்டுவ பகுதியில் நேற்று (23) இடம்பெற்ற வான் விபத்தில், இரு பெண்கள் உயிரிழந்துள்ளதுடன் மேலும் நால்வர் காயமடைந்துள்ளனர்.

குறித்த வான் வீதியை விட்டு விலகியமையால் விபத்து நேர்ந்துள்ளதாகத் ​தெரிவித்த பொலிஸார், விபத்தில் காயமடைந்த நால்வரும் மொனராகலை வைத்தியசாலையில் அனுமதிக்கப்பட்டுள்ளதாகத் தெரிவித்தனர்.

மேலும் காலி – மாத்தறை பிரதான வீதியில் இடம்பெற்ற விபத்தில் உக்ரேன் நாட்டைச் சேர்ந்த பி​ரஜையொருவர் உயிரிழந்துள்ளார்.

பஸ் மற்றும் குறித்த நபர் பயணித்த மோட்டார் சைக்கிள் ஒன்றுடன் ஒன்று மோதி கொண்டதிலேயே விபத்து நேர்ந்துள்ளதாகத் தெரிவிக்கப்பட்டுள்ளது.