முதிரை மரங்களை வெட்டிய 9 பேருக்கு விளக்கமறியல்

(அப்துல்சலாம் யாசிம்)

சட்டவிரோதமாக முதிரை மரங்களை வெட்டிய குற்றச்சாட்டின் பேரில் கைதான 9 பேரையும்  எதிர்வரும் மார்ச் மாதம் 9ஆம் திகதிவரை விளக்கமறியலில் வைக்குமாறு திருகோணமலை  நீதிமன்ற  நீதவான் யூ.எல்.அஸ்ஹார் உத்தரவிட்டுள்ளார்.

இந்த 9 பேரையும்   திருகோணமலை  நீதிமன்ற  நீதவான் யூ.எல்.அஸ்ஹார் முன்னிலையில் ஆஐர்படுத்தியபோதே இதற்கான உத்தரவு பிறப்பிக்கப்பட்டது.

திருகோணமலை, குச்சவெளி பொலிஸ் பிரிவிற்குட்பட்ட  கும்புறுப்பிட்டி காட்டுப்பகுதியில் சட்டவிரோதமாக முதிரை மரங்களை வெட்டிய 9 பேரையும் கைதுசெய்துள்ளதாகவும் இதன்போது, 49  முதிரை மரக்குற்றிகளும்  மெசின் ஒன்றும் கைப்பற்றப்பட்டுள்ளதாகவும் உப்புவெளி பொலிஸார் தெரிவித்தனர்.

கும்புறுப்பிட்டி பகுதியிலிருந்து கிடைத்த தகவலையடுத்து காட்டுப்பகுதியில்  சோதனை நடவடிக்கையில் ஈடுபட்டபோது இவர்கள் கைதுசெய்யப்பட்டதாகவும் பொலிஸார் கூறினர்.