ஆசிரியர் பற்றாக்குறையை நிவர்த்திக்குமாறு கோரிக்கை

-அப்துல்சலாம் யாசீம்

குச்சவெளிப் பிரதேச செயலாளர் பிரிவிலுள்ள  புடவைக்கட்டு முஸ்லிம் வித்தியாலயத்தில் நிலவும் ஆசிரியர் பற்றாக்குறையை நிவர்த்தி செய்யுமாறு கோரி அவ்வித்தியாலய மாணவர்களும் பெற்றோரும் இன்று ஆர்ப்பாட்டத்தில் ஈடுபட்டனர்.

இந்த ஆர்;ப்பாட்டத்தில் ஈடுபட்டோர் தெரிவித்தபோது, '253 மாணவர்கள் கல்வி பயின்று வரும் இந்த வித்தியாலயத்தில்  7 ஆசிரியர்கள் மாத்திரமே கற்பித்தல் செயற்பாட்டில் ஈடுபட்டு வருகின்றனர். இந்த வித்தியாலயத்துக்கு  இன்னும் 9 ஆசிரியர்கள் தேவைப்படுகின்றனர்.

கணிதம், விஞ்ஞானம், ஆங்கிலம் ஆகிய பாடங்களுக்கான ஆசிரியர்களுக்கான பற்றாக்குறையே இந்த வித்தியாலயத்தில் நிலவுகின்றது.

இது தொடர்பில்  பல தடவைகள் கல்வி உயர் அதிகாரிகளுக்கு தெரியப்படுத்திய போதும், எதுவித நடவடிக்கையும் எடுக்கப்படவில்லை' என்றனர்.