“சம்பளம் வழங்கப்படவில்லை”

திருகோணமலை  பிராந்திய சுகாதாரத் திணைக்களத்தில் கடமையாற்றும் முஸ்லிம் ஊழியர்களின் நலன் கருதி எதிர்வரும் 25ஆம் திகதி வழங்கப்படவிருந்த சம்பளத்தை இன்று புதன்கிழமை வழங்குமாறு கிழக்கு மாகாண முதலமைச்சர்,  கணக்காளருக்கு அறிவித்திருந்தும் இதுவரை சம்பளம் வழங்கப்படவில்லை என சுகாதார திணைக்கள ஊழியர்கள் விசனம் தெரிவிக்கின்றனர்.

சம்பளம் வழங்கும் திகதி 25 என தெரிந்திருந்த கிழக்கு மாகாண முதலமைச்சர் சமூக நலன் கருதி இன்று சம்பளத்தை வழங்குமாறு பிராந்திய சுகாதார திணைக்கள கணக்காளருக்கு பணித்திருந்த போதிலும் கணக்காளர் கிழக்கு முதலமைச்சரின் கருத்துக்கு மதிப்பளிக்காது எதிர்வரும் வெள்ளிக்கிழமை (25) சம்பளத்தை வைப்பிலிடுமாறு மக்கள் வங்கி முகாமையாளரை பணித்துள்ளார்.

கிழக்கு முதலமைச்சரின் கருத்துக்கு மதிப்பளிக்காத இக்கணக்காளர் மீண்டும் தொடர்ச்சியாக சுகாதார திணைக்களத்தில் சேவை செய்ய வேண்டுமா?

இனிவரும் காலங்களில் இப்படியான சம்பவங்கள் நடைபெறாமல் இருக்க வேண்டும் என சுகாதார திணைக்கள ஊழியர்கள் வேண்டுகோள் விடுக்கின்றனர்.