8 வர்த்தக நிலைய உரிமையாளர்களுக்கு எதிராக வழக்கு

-எஸ்.சசிக்குமார்

திருகோணமலை உணவு பாதுகாப்பு குழுவினர் இன்று ஞாயிற்றுக்கிழமை மேற்கொண்ட திடீர் சுற்றிவளைப்பின் போது, 8 வர்த்தக நிலைய உரிமையாளர்களுக்கெதிராக வழக்கு தாக்கல்  செய்துள்ளனர்.

கிண்ணியா பகுதியில் 5 நிறுவன உரிமையாளர்களுக்கும் தம்பலகாமம் பகுதியில் 3 நிறுவன உரிமையாளர்களுக்கெதிராகவே இவ்வாறு வழக்கு தாக்கல் செய்யப்பட்டுள்ளது.

இது தொடர்பான வழக்கு விசாரணை நாளை திங்கட்கிழமை நடைபெறவுள்ளதாக திருகோணமலை உணவு பாதுகாப்பு குழுவினர் தெரிவித்தனர்.

இதேவேளை, கடந்த வாரம் மேற்கொண்ட சுற்றிவளைப்பின் போது, தபால் நிலையத்துக்கு அண்மையில் உள்ள  5 வர்த்தக நிலைய உரிமையாளர்களுக்கெதிராக வியாழக்கிழமை(03)  வழக்கு தாக்கல் செய்யப்பட்டிருந்தது.

இதன்போது,திருகோணமலை நீதவான் அவர்களை 25,000 ரூபாய் சரீர பிணையில் விடுவித்து வழக்கை  ஒக்டோபர் மாதம் முதலாம் திகதி வரை ஒத்திவைத்தார்.